O LIBRO DOS MONSTROS

Os Minitalentos sacamos toda a nosa creatividade á luz e fixemos os nosos propios monstros. Hainos de todo tipo: os que comen plantas, os que comen carne (tranquilos, ningún come persoas!), os que viven en covas, os que se atopan nos bosques,... ata os nomes son do máis orixinal!

A sorpresa foi que non só debuxamos o noso monstro, senón que despois de facelo tratamos de replicalo con arcilla! 

"Pero que é a arcilla?"

Moitos de nós non traballaramos con ela antes, pero cuns poucos trucos dominámola á perfección! Foi moi divertido! 😃

Cando sequen completamente, poderemos pintar os nosos monstros; pero polo de agora, queremos presentárvolos e amosarvos o libro que fixemos con todos eles: xa temos o noso propio Libro de Monstros!

Esperamos que vos gustaran e... 

Recordade mirar no armario antes de durmir, non vaia andar algún escondido por aí! 🤣