Agosto comeza con forza!

 💥💥💥 Que semana tan emocionante acabamos de vivir! Estivo repleta de risas, creatividade, xogos... e unha visita moi especial que nos encheu o corazón! 💘

Durante estes días, os nosos nenos e nenas convertéronse en grandes artistas con divertidas manualidades: dende dragóns moi feroces ata vaquiñas moi amigables! Cada creación foi única!

👩💥 E aquí vos van uns exercicios que nos preparou a nosa monitora Maryluz! Mentres os máis grandes estaban aprendendo novas cousas sobre o Word e o Power Point, os máis peques superaron estes súper desafíos. 

😍😁 Como ben saberedes, algo que nos encanta é a plastilina e xogar con ela. Por iso, fixemos uns concursos do máis divertidos! Quen credes que ganou?

E xa para rematar a semana... 💥💥

O pasado venres, os nenos e as nenas da Escola de Minitalentos viviron unha experiencia moi emotiva e enriquecedora: visitaron a Residencia de Maiores de Burela, onde puidemos comopartir unha mañá chea de sorrisos, historias e aprendizaxes.

Dende que chegamos, fomos recibidos con moito cariño polos residentes e o persoal do centro. Os nenos e nenas prepararon con moita ilusión unha canción e un baile. Ademais, fixeron unhas pandeiretas con cartóns, tapóns de botellas e pedriñas pequenas. 

Ademais das actividades preparadas, houbo tempo para conversar. Os maiores compartiron anécdotas da súa infancia, xogos tradicionais e ata consellos que os nenos e nenas escoitaron con atención e curiosidade. 

Sen lugar a dúbidas, este tipo de experiencias fomentan valores fundamentais como a empatía, o respecto e a importancia de coidar e valorar ós nosos avós e avoas.