E ata aquí a Escola de Minitalentos deste ano!

Esta última semana foi incrible. Construímos un forte e foi todo un éxito! Unímonos todas e todos para construílo e fixemos del o noso novo rincón de xogos. 

Ademais, non sei se vos acordades, pero a semana pasada comezamos un puzzle de 500 pezas. Que pezas máis pequenas! 

E, cando xa estabamos a punto de rendernos, as pezas comezaron a encaixar. Daba gusto ver como o puzzle ía collendo forma e como comezabamos a ver os numerosos peixes ben formados. E aquí vos deixamos unha imaxe do resultado. Que vos parece?

🎉🎈🎊 Para rematar esta última semana, fixemos unha festa de disfraces e todos chegaron emocionados, lucindo os seus traxes. A música animaba o ambiente, mentres que os nenos e as nenas bailaban e rían. Para facer a festa aínda máis especial, organizamos unha deliciosa merenda chea de chocolate, gusanitos e outras lambetadas. Aquí vos deixamos un vídeo para que vexades o ben que o pasamos! 

😍 E agora só queda despedirnos. Foi unha experiencia marabillosa chea de risas, aprendizaxes e momentos inolvidables. Os nosos pequenos protagonistas puideron explorar a súa creatividade, fixeron novas amizades e descubriron habilidades que, probablemente, descoñecían que tiñan. Ó longo destas semanas, vimos como cada un deles brillaba no seu propio estilo. Cada actividade foi unha oportunidade moi valiosa para que se expresen, experimenten e se divirtan. 

Queremos agradecerlles a todos os pais e nais polo seu apoio e a súa confianza en nosoutras e o noso traballo. Foi un gran pracer! Esperemos que os recordos perduren e que se leven consigo un pouco da maxia que creamos xuntos. E, por suposto, estaremos encantadas de velos o próximo ano para novas aventuras. Ata logo, Minitalentos! 💓💘