Chegando á recta final de xullo...

O verán nos Minitalentos é toda unha aventura educativa chea de emocións, risas e descubrimentos. Cada día é unha oportunidade para medrar, expresarse e conectar cos demais! 💘

Comezamos a semana poñéndonos mans á obra! Realizamos unha actividade moi especial con arcilla. Cada nena e neno puido construír a súa propia casa á man, modelando con paciencia e moita creatividade. Despois de deixala secar, chegou o momento máis colorido: pintámolas con témpera! Foi unha experiencia artística que lles encantou e que, ademais, fomentou a súa concentración e imaxinación. 

🩵🤍 Esta semana está sendo moi especial para nós xa que celebramos unha das datas máis significativas para todas e todos os galegos: o Día de Galicia. Ó longo destes días, descubrimos un pouquiño a nosa cultura, lingua, música e tradicións. Queremos compartir con vós unha pequena mostra do que vivimos nesta semana. Aí vai! 

Primeiramente, vivimos a creación dun gran mural colectivo dedicado á nosa terra! Comezamos traballando en pequenos grupos, reflexionando e compartindo ideas sobre o que fai única a Galicia: a súa natureza, as súas tradicións, a súa lingua, a súa música... Entre todos e todas fomos enchendo o mural con cores, pinturas, ilustracións... O resultado foi unha obra chea de cariño, creatividade e orgullo polas nosas raíces. 

Tamén quixemos reproducir unhas rimas na nosa lingua bonita! 

As nosas compis do curso de Dinamización de Actividades de Ocio e Tempo Libre Infantís e Xuvenís fixeron uns disfraces chulísimos! E sabíades que? Deixáronnolos para xogar e algún de nós ata o levou para a casa! 😍😍

🌞🌞 E... tamén vivimos unha das xornadas máis esperadas por todos e todas: a nosa saída á praia! Armados con gorras, protector solar e moitas ganas de pasalo ben, gozamos dunha mañá chea de xogos, risas e aire libre xunto ó mar! 

E xa para rematar esta súper semana, deixámosvos unha canción coa que traballamos estes días e que nos encantou! Que vos parece? Vémonos o luns! 😎👏

Metade de xullo e a aventura continúa nos Minitalentos!

Co verán en pleno apoxeo, a Escola de Minitalentos segue sendo un espazo de alegría, descubrimento e aprendizaxe para os máis peques! A estas alturas do mes, os nenos e as nenas xa crearon novas amizades, enfrontáronse a retos moi divertidos e exploraron moitas actividades que despertaron a súa curiosidade e creatividade. Aquí vos deixamos un pequeno resumo desta semana! 

💥💥Sacamos a relucir toda a nosa imaxinación cunha actividade que nos encantou: a creación de cómics! Organizámonos en pequenos grupos para inventar as nosas propias historias, deseñar personaxes únicas e dar vida a escenas cheas de aventuras, humor e emoción. 

Ademais de desenvolver a creatividade e a expresión escrita, puidemos fortalecer habilidades como a comunicación, a planificación e a cooperación! 

😎✌Como ben sabedes, encántanos aprender xogando. Esta semana descubrimos unha forma moi divertida de expresarnos: facendo acrósticos cos nosos propios nomes. Cada nena e neno tomou o seu nome como punto de partida para crear un poema breve, no que cada letra se convertía no inicio dunha palabra que os describira. Que gran oportunidade para reflexionar sobre como somos e o que nos gusta! 

E que vos parecen estes globiños tan bonitos que nos fixeron? 🎈🎈

Tamén fixemos unhas manualidades moi chulas. Primeiro, deixamos voar a nosa imaxinación e fixemos uns flamencos coas nosas propias mans! 

Tamén quixemos facer unha pequena homenaxe a algo moi noso: o bonito de Burela. Aproveitamos a ocasión para falar un pouquiño sobre as nosas tradicións mariñeiras e do importante que é o bonito para a nosa vila. 🐟🐟

Que vos parece esta manualidade que fixemos cunhas caixas de ovos? 

Por último, tamén nos gustaría compartir con vós a súper visita que tivemos esta semana. Trátase de Lola, porteira do fútbol sala en Burela. Fixémoslle unhas preguntiñas e púidonos contar un pouco sobre a súa experiencia neste deporte.

E ata aquí a nosa semana! 💕💕