Escuela de Minitalentos: A cuarta semana dos Minitalentos 2024

🌞🌝O verán avanza e con el os nosos Minitalentos! Estes días foron inmellorables: vivimos novas experiencias, tivemos visitas moi interesantes e non deixamos de crear recordos xuntos.

👑 O luns visitounos Luz López, a Mrs. Galicia e España. Compartiunos as vivencias e experiencias que sentiu ó longo dos Certames que gañou. Nós fixémoslle unha entrevista moi entretida. Os nenos e as nenas quedaron fascinados coa súa historia e, dende logo, aprenderon moito sobre o importante que é perseguir os soños!

👑 Como nos encantaron as súas coroas, fixemos unhas para nós. Mirade que bonitas!

💓👭👬 O martes tivemos o grandísimo honor de recibir a visita de María Moldes, a delegada de Galicia e Asturias da Fundación Vicente Ferrer. Esta fundación traballa de forma activa para mellorar as condicións de vida das persoas da India. Os nenos e as nenas quedaron impresionados. A súa labor é admirable!

📖 Ademais de contarnos un pouquiño sobre a India e sobre o traballo que alí desenvolven, leunos un conto: El secreto de Vicente Ferrer. Gustounos moito!

🎇🎆 O mércores foi diferente. Aproveitando a visita do dia anterior, creamos os nosos propios mandalas con boliñas de papel. Resultou ser unha actividade moi creativa e relaxante. Colocamos as boliñas seguindo un código de cores e, así, conseguimos crear deseños únicos e moi coloridos. Quedamos moi contentas e contentos cos resultados obtidos. Que vos parece?

✋👐 O xoves traballamos con arxila. Fixemos uns colares de cabaliños de mar. Estivemos moi concentrados modelando a arxila e dándolle forma ás nosas pezas. Sen dúbida algunha, foi un xoves cheo de arte e creatividade!