Dámoslle a benvida á Escola de Minitalentos 2024!

Esta primeira semana foi xenial. Reencontrámonos cos nosos amigos e amigas e coñecemos ós novos compis. Tamén botamos moitas risas e compartimos unha morea de momentos xuntos. Estamos moi emocionados por todo o que nos espera neste verán. Que alegría volver á Escola dos Minitalentos e poder vivir novas experiencias co noso grupo!

😊😙😏

O luns e o martes fixemos diversas actividades e xogos para coñecernos un pouquiño máis. Por exemplo, o xogo da mentira. Tiñamos que contar tres cousas sobre nós: dúas verdades e unha mentira. Os compis tiñan que adiviñar a incorrecta. Encantounos!

O mércores aprendemos un pouquiño sobre os nosos cerebros e acabamos facendo esta manualidade tan divertida. Gústavos?

🐮🐎🐞🐵 Para acabar a semana, adentrámonos no mundo dos animais. Vimos a gran diversidade de especies que hai na Terra e aprendemos algunhas das súas características. Sabiades que as vacas pertencen ó grupo dos mamíferos? Nós si! Tamén fixemos actividades, manualidades e xogamos a un xogo de adiviñanzas sobre as características das diferentes especies.

Ah! E, por susposto, non podemos esquecernos dos momentos de ocio e lectura 📚🎬🎲🎱. 

🌞 Aquí nos vedes aproveitando os pouquiños raios de sol que tivemos esta semana!

E ata aquí os primeiros días. Que nos deparará a seguinte semana? Estade atentos! 👀🙌